माधव पक्षलाई कमल थापाको व्यंग्य- सेनापतिलाई हराएर २३ विद्रोही सेना घर फर्किएका छन्

काठमाडौं- राष्ट्रिय जनता पार्टी (राप्रपा)का अध्यक्ष कमल थापाले नेकपा एमालेका वरिष्ठ नेता माधव कुमार नेपाल समूहलाई व्यंग्य गर्दै लघुकथा लेखेका छन्।

मंगलबार बिहानै राप्रपा अध्यक्ष थापाले सर्वोच्चको निर्णयले विद्रोही २३ सेना नाचिरहेको भन्दै नेपाल पक्षलाई व्यंग्य गर्दै सामाजिक सञ्जालमा लघुकथा लेखेका हुन्।

उनले लेखेका छन्, 'एकादेशमा एउटा देशको सेनापतिसँग २३ जना सेनानीहरू असन्तुष्ट भएछन्। ती असन्तुष्ट सेनानीहरू विदेशी फौजसँग मिल्न गए। अनि 'पंच भलादमी' समेतको सहयोग लिएर आफ्नो सेनापतिलाई पराजित गरेपछि विद्रोही सेनानीहरू 'जित्यौं, जित्यौं' भन्दै सगौरव घर फर्केछन्।'

बिहान फुरेको लघुकथा-"को जित्यो,को हार्‍यो"

एकादेशमा एउटा देशको सेनापतिसँग २३ जना सेनानीहरु असन्तुष्ट भएछन्।ति असन्तुष्ट सेनानीहरू विदेशी फौजसँग मिल्न गए।अनि 'पंच भलादमी' समेतको सहयोग लिएर आफ्नो सेनापतिलाई पराजित गरेपछि विद्रोही सेनानीहरु 'जित्यौँ,जित्यौँ' भन्दै सगौरव घर फर्केछन्

— Kamal Thapa (@KTnepal) July 13, 2021