सर्वोच्चको फैसलाले लोकतन्त्रको रक्षाका पक्षमा योगदान पुर्‍याएको छ : नारायणकाजी श्रेष्ठ

काठमाडौं- नेपाल कम्युनिस्ट पार्टी माओवादी केन्द्रका प्रवक्ता नारायणकाजी श्रेष्ठले सर्वोच्च अदालतले सोमबार गरेको फैसलाले लोकतन्त्रको रक्षाका पक्षमा योगदान पुर्‍याएको बताएका छन्। प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गरेको प्रतिनिधि सभा विघटनलाई सर्वोच्च अदालतले बदर गरिदिएपछि श्रेष्ठले यस्तो प्रतिक्रिया दिएका हुन्। 

'सर्वोच्च अदालतको आजको फैसलाले संविधान र लोकतन्त्रको रक्षाको पक्षमा महत्वपुर्ण योगदान पुर्‍याएको छ। यसको हामी स्वागत गर्दछौं। प्रतिगमनविरुद्ध संघर्ष गर्ने सबै राजनीतिक पार्टीहरु, नागरिक आन्दोलन र आमजनसमुदायलाई हार्दिक बधाई ज्ञापन गर्दछु,' उनको ट्विटमा लेखिएको छ। 
 

सर्वोच्च अदालतको आजको फैसलाले संविधान र लोकतन्त्रको रक्षाको पक्षमा महत्वपुर्ण योगदान पुर्याएको छ । यसको हामी स्वागत गर्दछौं ।प्रतिगमनको बिरुध्द संघर्ष गर्ने सबै राजनीतिक पार्टीहरु ,नागरिक आन्दोलन र आमजनसमुदायलाई हार्दिक बधाई ज्ञापन गर्दछु ।

— NKShresthaPrakash (@nksthaprakash) July 12, 2021