माओवादी केन्द्र खारेजीको माग गर्दै दर्ता निवेदन आयोगद्वारा खारेज

काठमाडौं- नेकपा माओवादी केन्द्र पार्टी खारेजीको माग गर्दै निर्वाचन आयोगमा दर्ता भएको निवेदन खारेज भएको छ।

माओवादी पार्टी अवैधानिक भएको भन्दै केही दिनअघि निर्वाचन आयोगमा निवेदन परेको थियो।

माओवादी केन्द्र छोडेर नेकपा एमालेमा गएका नेता रामबहादुर थापा, प्रभु साह, टोपबहादुर रायमाझीलगायतको योजनामा अधिवक्ता सरोज बुढाथोकीले माओवादी केन्द्र पार्टी खारेजीको माग गर्दै आयोगमा निवेदन दर्ता गराएका थिए।

पार्टीले लामो समयसम्म महाधिवेशन नगरेको, पटक एकीकरणको नाममा महाधिवेशन टारेको, अवैध रुपमा नाम परिवर्तन गरेको लगायतका आरोपहरु सहित आयोगमा निवेदन दर्ता गरिएको थियो।

आइतबार बसेको निर्वाचन आयोगको बैठकले निवेदकले पेश गरेअनुसार दाबी नपुगेको ठहर गरेको छ। आयाेगका प्रवक्ता राजकुमार श्रेष्ठका अनुसार निवेदक पक्षबाट निवेदनअनुसारकाे दाबी नपुगेपछि निवेदन खारेज गरिएकाे हाे।