देशभर मनसुन सक्रिय, यी स्थानमा छ भारी वर्षाको सम्भावना

काठमाडौं- देशभर मनसुनी वायुको प्रभाव रहेको छ। जसले गर्दा देशभर सामान्यदेखि पूर्ण बदली भइरहेको छ। मौसम पूर्वानुमान महाशाखाका अनुसार बाग्मती प्रदेशका केही स्थानमा भारी वर्षा भैरहेको छ।

शुक्रबार दिनभर देशभर सामान्यदेखि पूर्ण बदली रही धेरै स्थानमा हल्कादेखि मध्यम वर्षाको सम्भावना छ। प्रदेश १,  बागमती प्रदेश, गण्डकी प्रदेश र सुदूर पश्चम प्रदेशका केही स्थानमा मेघ गर्जन/चट्याङ्गसहित भारी वर्षाको सम्भावना छ। सुदूर पश्चिम प्रदेश र बागमती प्रदेशको एक वा दुई स्थानमा अधिक वर्षाको सम्भाना छ।

भारी वर्षा भइरहेकाले पहाडी भूभागमा भूक्षय, पहिरो तथा गेग्रान बहावको जोखिम रहेकाले उच्च सावधानी अपनाउन महाशाखाको आग्रह छ। नदीनाला तथा खहरे खोलाहरूमा पानीको सतह बढ्न सक्ने तथा दैनिक जीवन/यातायात क्षेत्र प्रभावित हुन सक्ने भएकोले आवश्यक सतर्कता अपनाउन महाशाखाले आग्रह गरेको छ।