झन्डै २ महिनापछिको ओली–नेपाल वार्ताले ल्याउला त सार्थक परिणाम?

काठमाडौं– प्रधानमन्त्री एवम् एमाले अध्यक्ष केपी शर्मा ओली र एमाले वरिष्ठ नेता माधवकुमार नेपालबीच झन्डै २ महिनापछि भेटवार्ता भएको छ। दुई नेताबीच वैशाख ३० गते पछिल्लो भेट काठमाडौंको बूढानीलकण्ठस्थित एक व्यापारीको घरमा भेट भएको थियो। नेताहरुबीच सहमति भएपछि जेठ २ मा कार्यदल गठन गरिएको थियो।

७ गतेसम्म कार्यदलले काम गरे पनि जेठ ८ गने प्रतिनिधिसभा विघटन भएपछि नेताहरूबीच दुरी बढेको थियो। यसबीचमा अध्यक्ष ओलीले सहमतिका लागि अघि सारेका प्रस्ताव नेपाल पक्षले अस्वीकार गर्दै आएको छ। सोमबारदेखि कार्यदल क्रियाशील भएपछि दुई नेताबीच भेटवार्ता सम्भव भएको हो।

अध्यक्ष ओली र नेपालबीच बुधबार साँझ राजधानीको होटल मेरियटमा भेटवार्ता जारी छ। उनीहरूका साथमा एमाले उपमहासचिव विष्णु पौडेललगायतका एमाले दोस्रो तहका नेताहरू पनि  सहभागी छन्।

सोमबार ओलीले नेपाल पक्षका नेता तथा कार्यदलमा नेपाल तर्फका संयोजक भीम रावलसँग भेट गरी एमाले एकताका लागि वातावरण बनाउन आग्रह गरेका थिए। यसपछि सोमबार र मंगलबार कार्यदलका दुवै पक्षका नेताहरूबी छलफल भएको थियो।

एमालेका दुवै पक्षका दोस्रो तहका ५–५ जना सदस्यहरू रहने गरी एमाले विवाद कार्यदल बनाइएको थियो। उक्त कार्यदलमा नेपाल पक्षका सदस्यहरूसँग बुधबार दिउँसो नेपालले छलफल गरेका थिए। यसपछि नेपाल ओलीसँग वार्ता गर्न तयार भएका हुन्। यसअघि उनले ओलीसँग भेट गर्न अस्वीकार गर्दै आएका थिए।  यसअघि गत वैखाख ७ र ८ गते  होटल मेरियटमा ओली र नेपालबीच भेटवार्ता भएको थियो। 

सोमबार ओलीले नेपाल पक्षका नेता तथा कार्यदलमा नेपाल तर्फका संयोजक भीम रावलसँग भेट गरी एमाले एकताका लागि वातावरण बनाउन आग्रह गरेका थिए। यसपछि सोमबार र मंगलबार कार्यदलका दुवै पक्षका नेताहरूबी छलफल भएको थियो। छलफल सकारात्मक रूपमा अघि बढेको कार्यदलका नेताहरूको भनाइ थियो। 

यसअघि बुधबार बिहान ओली निकट मानिने नेता तथा एमाले विवाद कार्यदलमा ओली पक्षका कार्यदल संयोजक सुवास नेम्वाङले दुवै जना शीर्ष नेताहरूबीच भेटवार्ता हुने संकेत गरेका थिए। यसअघि गत वैखाख ७ र ८ गते  होटल मेरियटमा ओली र नेपालबीच भेटवार्ता भएको थियो।