'पेनाल्टी सुट-आउ'टमा स्पेनलाई हराउँदै इटाली युरो कपको फाइनलमा

काठमाडौं – युरो कप अन्तर्गत मंगलबार राति सम्पन्न खेलमा इटालीले जित निकलेको छ। लन्डनस्थित वेम्बली रंगशालामा सम्पन्न खेलमा स्पेनविरुद्ध इटालीले टाईब्रेकरमा जित निकालेको हो।

खेलको निर्धारित ९० मिनेटसम्म १–१ गोलको बराबरी भएपछि खेल अतिरिक्त ३० मिनेट लम्बिएको थियो। थपिएको ३० मिनेटमा पनि गोल खेलको निर्णय हुन नसकेपछि खेलको निर्ण पेनाल्टीबाट लिइएको हो।

खेलमा फेडेरिको कियाजोको गोलमा इटालीले अग्रता बनाए पनि उसले अग्रता कायम राख्न सकेन।
पहिलो हाफ गोलरहित बराबरीमा रोकिएपछि खेलको ६० औं मिनेमा सिरो इमोबिलेको पासको सदुपयोग गर्दै इटालीले अग्रता बनाएको थियो।

यता ८० औं मिनेटमा ड्यानी ओल्मोले दिएको पासको सदुपयोग गर्दै अल्भेरो मोराटाले गोल गरेका थिए।

 पेनाल्टीमा इटालीले ४–२ को जित निकालेको हो। इटालीका म्यानुअल लोकाटेलीका साथै स्पेनका ड्यानी ओल्मो र अल्भेरो मोराटाले पेनाल्टीमा गोल गर्न चुकेका थिए। तर बाँकी खेलाडी भने गोल गर्न सफल रहे।

यससँगै इटाली ३३ खेलसम्म अपराजित छ। ए युरो कप २०२० को फाइनलमा प्रवेश गरेको छ। आउँदो जुलाई १२ मा हुने फाइनल खेलमा इटालीले इंग्ल्यान्ड र डेनमार्कको विजेताको सामना गर्नेछ।