कश्मिरमा हतियारधारीले अन्धाधुन्द गोली चलाउँदा प्रहरीसहित दुई जनाको मृत्यु

कश्मिरको पुलवामा जिल्लामा चरमपन्थी हमलामा दुई जनाको ज्यान गएको छ। हमलामा एक जना घाइते भएका छन्।

जम्मु कश्मिर प्रहरीका एसपिओ फैयाज अहमदको घरमा हतियारधारीले अन्धाधुन्द फायर गरेका थिए। आक्रमणमा परी ४१ वर्षीय अहमद र उनकी श्रीमती बेगमको मृत्यु भएको छ भने छोरी राफिया गम्भीर घाइते भएकी छन्। 

आइतबार राति करिब ११ बजेतिर अहमदको घरमा हतियारधारीले आक्रमण गरेका थिए। घरमा छिर्नेबित्तिकै उनीहरूले परीवारका सदस्यहरूमाथि अन्धाधुन्द गोली प्रहार गरेका थिए।

फैयाजको घटनास्थलमै मृत्यु भएको थियो। उनकी पत्नीको अस्पतालमा मृत्यु भएको बीबीसीले जनाएको छ। 

गम्भीर घाइते भएकी राफियाको अवस्था गम्भीर रहेको अस्पतालले जनाएको छ। कश्मिर प्रहरीले इलाकालाई घेराबन्दी गरी आतंककारीको खोजी गरिरहेको जनाएको छ। कश्मिर पुलिसले ट्विट गर्दै घटना बारे जानकारी दिएको छ। बीबीसी

#Terrorists barged into the house of SPO Fayaz Ahmad of Hariparigam Awantipora & fired #indiscriminately. In this #terror incident, he along with his wife & daughter recieved #critical gunshot injuries. Fayaz Ahmad #succumbed to his injuries. Area cordoned off. Search going on.

— Kashmir Zone Police (@KashmirPolice) June 27, 2021