कोपा अमेरिका : बराबरीमा रोकिए इक्वेडर र ब्राजिल

जारी कोपा अमेरिका फुटबलमा ब्राजिल र इक्वेडरले बराबरी खेलेका छन्। सोमबार बिहान सम्पन्न खेलमा ब्राजिल र इक्वेडरले १\१ गोलको बराबरी खेलेका हुन्।

नेपाल समय | सोमबार, असार १४, २०७८

नेपाल समय

सोमबार, असार १४, २०७८

कोपा अमेरिका : बराबरीमा रोकिए इक्वेडर र ब्राजिल

काठमाडौं– जारी कोपा अमेरिका फुटबलमा ब्राजिल र इक्वेडरले बराबरी खेलेका छन्। सोमबार बिहान सम्पन्न खेलमा ब्राजिल र इक्वेडरले १\१ गोलको बराबरी खेलेका हुन्।

बरावरी खेलेसँगै दुवै टिम क्वार्टर फाइनलमा प्रवेश गरेका छन्। सुरुआती अग्रता जोगाउन नसक्दा ब्राजिल बराबरीमा रोकिएको हो।

खेलको ३७औं मिनेटमा इडर मिलिटाओले गोल गर्दै ब्राजिललाई अग्रता दिलाएका थिए। पहिलो हाफमा १ गोलले पछि परेको इक्वेडर दोस्रो हाफको सुरुमै खेलमा लयमा फर्कियो।

५३औं मिनेटमा इक्वेडरका लागि एन्जल मेनाले गोल गर्दै खेल बराबरीमा पुर्‍याए। बराबरीपछि ब्राजिल समूह ‘बी’ को विजेता बन्दै क्वार्टर फाइनलमा प्रवेश गरेको छ।

ब्राजिलको ४ खेलमा १० अंक छ। समान चार खेलमा ३ अंक जोड्दै इक्वेडर चौथो स्थानमा रहँदै क्वार्टर फाइनलमा प्रवेश गरेको छ।