'कल्प-ग्रन्थ'को वितरण शुरु

गत वर्षको चैतमा सार्वजनिक गर्ने गरी पाठकबाट 'पूर्व-भुक्तानी' लिई 'लिमिटेड एडिसन' मुद्रण भएको किताब निषेध आदेशका कारण वितरण रोकिएको थियो।

नेपाल समय | आइतबार, असार १३, २०७८

नेपाल समय

आइतबार, असार १३, २०७८

काठमाडौं- कुमार नगरकोटीको कथा संग्रह 'कल्प-ग्रन्थ'को वितरण सुरु भएको छ। लेखक नगरकोटीले लेखक एवम् पत्रकार नारायण वाग्लेलाई 'पूर्व-भुक्तान-प्रति' हस्तान्तरण गर्दै यसको वितरण सुरु गरिएको हो।

विभिन्न शैलीका प्रयोगात्मक ७० वटा कथा रहेको 'कल्प-ग्रन्थ'को आफ्नो प्रति हात पारेपछि नारायण वाग्लेले भने, 'मुद्रण र यसको प्रकाशन शैलीले अन्य लेखकलाई पनि लेखन र प्रयोगमा उत्साह थप्नेछ, यो एउटा मानक किताब बन्नेछ।'

सम्पूर्ण पाठकप्रति आभारसमेत व्यक्त गर्दै देश तथा विदेशमा रहेका सबै पाठकमा वितरण गरिसक्न एक साता लाग्ने प्रकाशन गृह 'बुक-हिल'ले जनाएको छ।

प्रकाशित: Jun 27, 2021| 14:41 आइतबार, असार १३, २०७८