एएफसी वुमेन्स एसिया कप छनोटमा नेपालले फिलिपिन्स र हङकङसँग खेल्ने

काठमाडौं– नेपाली राष्ट्रिय महिला फुटबल टिमले एएफसी वुमेन्स एसिया कपको छनोटमा फिलिपिन्स र हङकङसँग खेल्ने भएको छ।

एसियाली फुटबलको सर्वोच्च निकाय एएफसीले आज जारी गरेको सूचना अनुसार नेपालले एफ समूहबाट ती देशसँग  खेल्न लागेको हो।

मंगलबार मलेसियाको क्वालालाम्पुरमा सम्पन्न भर्चुअल ड्र माफत् विभिन्न देशको फिक्चर तयार पारिएको हो।

छनोटमा भाग लिने २८ टिमलाई चार छिमको चार समूह र तीन टिमका तीन समूह बनाइएको छ। जहाँ हरेक समूहको विजेताले एएफसी कप खेल्न पाउनेछ।

एसिया कप आउँदो २०२२ को जनवरी २० देखि फेब्रुअरी ६ सम्म इन्डियामा हुनेछ। छनोट खेल भने आउँदो सेम्टेम्बरमा हुनेछ।

एएफसी छनोट खेल्ने देशहरू

समूह ए–  चाईनिज ताईपेई, बहराईन, तुर्किमेनिस्तान र लाओस
समूह बी– भियतनाम, ताजकिस्तान, माल्दिभ्स र अफगानिस्तान
समूह सी– उत्तर कोरिया, सिंगापुर, इराक र इन्डोनेशिया 
समूह डी– म्यानमार, युएई, ग्वाम र लेबनान
समूह ई– दक्षिण कोरिया, उज्वेकिस्तान र मंगोलिया
एफ–  फिलिपिन्स, हङकङ र नेपाल 
समूह जी – जोर्डन, इरुान र बंगलादेश 
समूह एच–  थाईल्यान्ड, प्यालेस्टाईन र मलेसिया

वुमेन्स एसिया कप फुटबलमा जापान, अष्ट्रेलिया चीन र आयोजक भारत छनोट भइसकेका छन् ।