नेपालले स्पेनमा खेल्ने त्रिकोणात्मक सिरिज एक वर्षका लागि स्थगित

कोभिड-१९ को महामारीका कारण नेपालले आउँदो जुलाई अन्तिममा खेल्ने आईसीसी विश्वकप लिग २ को त्रिकोणात्मक सिरिज स्थगित भएको छ।

नेपाल समय | बिहीबार, असार १०, २०७८

नेपाल समय

बिहीबार, असार १०, २०७८

नेपालले स्पेनमा खेल्ने त्रिकोणात्मक सिरिज एक वर्षका लागि स्थगित

काठमाडौं- कोभिड-१९ को महामारीका कारण नेपालले आउँदो जुलाई अन्तिममा खेल्ने आईसीसी विश्वकप लिग २ को त्रिकोणात्मक सिरिज स्थगित भएको छ।

नेपाल-नामिबिया-स्कटल्यान्ड सम्मिलित त्रिकोणात्मक सिरिज जुलाई अन्तिममा स्पेनमा हुने तय थियो। तर, सो प्रतियोगिता एक वर्षको लागि स्थगित भएको छ।

नेपाल क्रिकेट संघ (क्यान) ले आज एक सूचना जारी गर्दै प्रतियोगिता स्थगित भएको जाकारी दिएको हो।

‘नेपाल-नामिबिया-स्कटल्यान्डबीचको एक दिवसीय सिरिज कोभिड–१९ को प्रभावका कारण जुलाई २०२२ सम्म स्थगित भएको छ,’ क्यानले सूचनामा लेखेको छ।

उक्त सिरिजको तयारीका लागि क्यानले गएको मंगलबारबाट राष्ट्रिय टिमको बन्द प्रशिक्षण सुरु गरेको थियो। त्यसैको तयारीका लागि राष्ट्रिय टिमका प्रशिक्ष डेभ वाटमोर महामारीबीच नेपाल फर्किएका थिए।