भोजपुरकी कविताको कविता प्रथम

प्रतिष्ठानको वार्षिकोत्सवको अवसरमा भर्चुअल रुपमा आयोजित कविता वाचन प्रतियोगितामा राईको 'देशको नक्सा' शीर्षकको कविता पहिलो भएको हो।

नेपाल समय | बुधबार, असार ९, २०७८

नेपाल समय

बुधबार, असार ९, २०७८

काठमाडौं- नेपाल प्रज्ञा प्रतिष्ठानले आयोजना गरेको राष्ट्रव्यापी कविता प्रतियोगितामा भोजपुरकी कविता राईको कविता पहिलो बनेको छ।

प्रतियोगितामा धादिङकी अमृता स्मृतिको 'डडेलोपछि पनि बसन्त आउँछ' कविता द्वितीय भएको छ।

यस्तै ताप्लेजुङकी सविता बरालको 'आमा म आएँ अब', बर्दियाकी निरञ्जनाकुमारी चन्दको 'युगीन प्रतिध्वनि' र नुवाकोटका प्रकाश सिलवालको 'बोधिसत्वको खोप' तृतीय भएका छन्।

प्रत्येक वर्ष असार ९ गते आयोजना हुने राष्ट्रिय कविता महोत्सव अघिल्लो वर्ष कोभिडका कारण मंसिरमा भएको थियो। प्रथम हुने कविले ५० हजार रुपैयाँ, द्वितीयलाई ४० तथा तृतीय हुने तीन जनालाई जनही ३० हजार रुपैयाँ र पदक राष्ट्रपतिको हातबाट पाउनेछन्।