क्रिकेट टिमको बन्द प्रशिक्षण आजबाट

काठमाडौं- राष्ट्रिय क्रिकेट टिमको बन्द प्रशिक्षण मंगलबारबाट सुरु हुँदैछ। कीर्तिपुरस्थित त्रिभुवन विश्वविद्यालयको मैदानमा आजबाट प्रशिक्षण सुरु हुन लागेको नेपाल क्रिकेट संघ (क्यान)ले बताएको हो।

जुलाईको अन्तिममा स्पेनमा आयोजित आईसीसी एकदिवसीय विश्वकप लिग २ अन्तर्गतको खेलमा लागि नेपाली टिमले बन्द प्रशिक्षण सुरु गरेको हो।

बन्द प्रशिक्षणका लागि क्यानले २० खेलाडी बोलाए भए पनि पृथु बास्केटा प्रशिक्षणमा उपस्थित हुने छैनन्। उनले व्यक्तिगत र अहिलेको अवस्थाका कारण उपस्थित हुन नसक्ने जानकारी पठाएको क्यानले जनाएको छ।

बन्द प्रशिक्षणका लागि हिजो सोमबार खेलाडीसहित ३ अफिसियलको कोभिड–१९ परीक्षणको रिपोर्ट नेगेटिभ आइसकेको क्याले जानकारी दिएको छ।

लिग २ अन्तर्गत नेपालले घरेलु मैदानमा पहिलो एक सिरिज मात्र खेलेका छ। सो सिरिजमा नेपालले दुई हार र दुई जितसँगै चार अंक जोडेको छ।

लिगमा १० खेलबाट आठ जित निकालेको ओमन १६ अंकका साथ शीर्षस्थानमा छ भने १२ खेलबाट १२ अंक बनाएको युनाइटेड स्टेट(अमेरिका) दोस्रो स्थानमा छ।

तेस्रो स्थानको स्कटल्यान्डको ९ अंक छ भने नामिबियाको ८ र यूएईको ७ अंक छ। त्यस्तै चार अंक भएको नेपालपछि तालिकाको पुछारमा अंकविहित पपुवा न्युगिनी छ।

नेपालले पहिलो सिरिजमा युनाइटेड स्टेट र ओमसँग खेलेको थियो। स्पेनमा हुने अर्को सिरिजमा नेपालले स्कटल्यान्ड र नामिबियासँग त्रिकोणात्मक एकदिवसीय सिरिज खेल्नेछ।