बेल्जियमले फिनल्यान्डलाई हरायो

काठमाडौं- जारी युरो कपको अन्तिम खेलमा फिनल्यान्डले हार बेहोरेको छ। रसियाको सेन्टपिटरस्बर्गमा सोमबार राति सम्पन्न खेलमा उसले बेल्जियमसँग २–० गोलको हार बेहोरेको हो।

पहिलो हाफ गोलरहित बराबरी भएको खेलमा फिनल्यान्डका खेलाडीको आत्मघाति गोल सहयोगमा बेल्जियमले अग्रता बनाएको थियो।

फिनल्यान्डका लुकास हडेच्केले खेलको ७४औं मिनेटमा आत्मघाति गोल गरेपछि अग्रता बनाएको बेल्जियमका रोमुलू लुकाकूले ८१औं मिनेटमा गोल गरेका थिए।

यससँगै बल्जियमले जित निकाल्यो। यो जितसँगैत बेल्जियम समूह चरणमा अपराजित छ। उसले नौ अंक बाएको छ भने दोस्रो, तेस्रो र चोथो स्थानमा रहेका क्रमशः डेनमार्क, फिनल्यान्ड र रसियाको समान ३–३ अंक छ।

सोमबार रातिकै अर्को खेलमा पहिलो जित निकाल्दै डेनमार्क अन्तिम १६ मा पुगेको थियो। यता युरो कपअन्तर्गत समूहको पुछारमा रहेपछि रसियाको भने अन्तिम १६ को यात्रा सकिएको छ।