कोपा अमेरिका : कोलम्बियालाई पेरुले हरायो, बराबरीमा इक्वेडर र भेनेजुएला

काठमाडौं– कोपा अमेरिकाअन्तर्गत सोमबार बिहान सम्पन्न खेलमा कोलम्बियालाई पेरुले २–१ गोलअन्तरले हराएको छ। ब्राजिलको स्टेडियो ओलम्पिको पेड्रो लुडोविकोमा सम्पन्न खेलमा पेरुले प्रतियोगिताको पहिलो जित निकालेको हो।

पेरुको जितका लागि सर्जियो पेनाले एक गोल गरे भने कोलम्बियाका येरी मिनाले आत्मघाति गोल गर्दै पेरुलाई गोल कोसेली दिए।

यता एक गोलले पछि परेको अवस्थामा कोलम्बियाका मिगल बोर्जाले ५३औं मिनेटमा पेनाल्टीमार्फत् गोल गर्दै खेललाई बराबरीमा ल्याए। तर ६४औं मिनेटमा येरी मिनाको आत्मघाति गोलपछि पेरुले जित निकाल्यो।

यससँगै पेरुले समूह ए मा तीन अंक बनाएको छ। ऊ समूहको तेस्रो स्थानमा छ। हारका बाबजुद चार अंक भएको कोलम्बिया दोस्रे स्थानमा छ।

कोपा अमेरिकामा सोमबार बिहानको अर्को खेलमा इक्वेडरलले भेजेजुएलासँग २–२ गोलको बराबरी खेलेको छ।

बराबरीसँगै एक अंक जोडेको इक्वेडर समूह ए को पुछारमा छ भने दुई अंक बनाएको भनेजुएला चौथो स्थानमा छ।

समूहमा सुरुआती दुवै खेलमा जित निकालेको ब्राजिल ६ अंकका साथ शीर्षस्थानमा छ।

कोपा अमेरिकामा भोलि बिहान उरुग्वे र चिली भिड्दैछन् भने अर्जेन्टिनाले पराग्वेको सामना गर्नेछ।