काठमाडौं- कोभिड १९ संक्रमणको दोस्रो लहर कम भएसँगै बन्द गरिएका आइसोलेसन सेन्टर फेरि खुला गर्ने तयारी गरिएको छ।
पछिल्लो समय काठमाडौं महानगरमा कोभिड संक्रमण बढ्न थालेसँगै यसअघि बन्द गरिएका ओइसोलेसन सेन्टर खुला गर्ने योजना महानगरपालिकाले बनाएको हो।
महानगरपालिका क्षेत्रमा पछिल्लो समय संक्रमण दर बढेर झण्डै २० प्रतिशत पुगेपछि महानगरपालिकाले बन्द गरिएका आइसोलेसन सेन्टर खुला गर्ने योजना बनाएको छ।
महानगरका अनुसार सामाखुसीको राधास्वामी, क्षेत्रपाटीको छत्रपाटी नि:शुल्क चिकित्सालय र नरदेवी अस्पतालमा रहेको आइसोलेसन सेन्टर फेरि खुला गर्ने तयारी गरिएको छ।