काठमाडौं- खराब मौसमका कारण पहिलो दिन सुरु हुन नसकेको इन्डिया र न्युजिल्याण्डको विश्व टेस्ट च्याम्पियनसिपको फाइनल खेल सुरु भएको छ।
इङ्ल्यान्डको साउथह्याम्टनमा मौसम सुधार भएपछि टस भएको छ, न्युजिल्यान्डले टस जितेर फिल्डिङ रोजेको छ। यता इन्डियाले ब्याटिङको निम्तो पाएको छ।
च्याम्पियनसिपको फाइनल खेल शुक्रबार सुरु हुने निधो भए पनि खराब मौसमका कारण खेल सुरु हुन सकेको थिएन।
इन्डिया र न्युजिल्यान्डले पहिलोपटक न्युट्रल मैदानमा टेस्ट खेल्दैछन्। यो च्याम्पिनसिलाई इन्डियाका कप्तान विराट कोहलीले अल्टिमेट टेस्टको संज्ञा दिएका छन्।
तर उनले यो खेलले नै विश्वको उत्कृष्ट टिमको निधो नदिने बताएका छन्। उनले खेलअघि भने ‘पाँच वर्षके अवधिमा तपाई कुन बेस्ट टिम होला भनेर हेर्नुहुन्छ भने यो टेस्टले निर्क्योल भने गर्दैन।’