हंगेरीलाई हराउँदै युरोकपमा पोर्चुगलको विजयी सुरुवात

काठमाडौं- जारी युरोकपमा हंगेरीलाई हराउँदै पोर्चुगलले विजयी सुरुवात गरेको छ। हंगेरीविरुद्ध उसले ३–० को जित निकालेको हो।

रोनाल्डोको दुई र राफेलको एक गोलसँगै पोर्चुगलले हंगेरिविरुद्ध ३–० गोलको जित निकालेको हो। यि सबै गोल पोर्चुगलले अन्तिम १० मिनेटमा गरेको हो।

भर्खरै सम्पन्न खेलमा पोर्चुगले  ७० प्रतिशत समय बलमा पकड बनाएको थियो। यता हंगेरीले ३० प्रतिशत समय मात्र बलमा नियन्त्रण लियो।

६१ हजार समर्थक क्षमताको रंगशालामा पर्याप्त समर्थकको साथ पाएको हंगरेरीले ३७ औं मिनेटको फ्रि किकको अवसर पाए पनि सदुपयोग गर्न सकेन्। फ्रि किको प्रहारबाट आएको बललाई एडम जलाईले हेडहार्फत पोस्टतर्फ प्रहार गरे पनि बल किपर रुई पेट्रिकोको हातमा पुगेर रोकिएको थियो।

यता हंगेरीले भने विरलै पाएको बललाई पनि लगातार गुमाइरहँदा उसले पोस्ट अट्याम्पमा पनि कम अवसर पाएको थियो। खेल अवधिभर हंगेरीले पाँच पटक प्रहार गर्दा तीन पटक मात्र पोस्टको सही दिशामा प्रहार गर्न सकेको थियो। जुन कुनै प्रहार गोलमा परिणत हुन सकेन्।

यो जितसँगै पोर्चुगलले तीन अंक जोड्दै समूह इफको शीर्षस्थानमा पुगेको छ।