युरो कप : तीन सहरमा हुँदैछन् शनिबारका तीन खेल

काठमाडौं- युरोपेली देशका विभिन्न ११ सहरमा आयोजना हुने युरो कपमा शनिबारका तीन खेल तीन सहरमा हुने तय भएको छ। शनिबार हुने २ खेलमा घरेलु टिम खेल्ने छन् भने एक खेल न्युट्रल मैदानमा हुने तय भएको हो।

शनिबारको पहिलो खेलमा वेल्स र स्वीट्जरल्यान्ड भिड्दैछ। वेल्स र स्विजरल्यान्डको खेल अजरबैजानको बाकूमा हुँदैछ। प्रतियोगिताको आयोजकमध्ये एक अजरबैजान भए पनि युरो कपको छनौटमा परेको थिएन। 

वेल्स र स्विट्जरल्यान्डको खेल भर्खरै सुरु भइसकेको छ। त्यस्तै, शनिबारको अर्को खेलमा डेनमार्कले फिनल्यान्डको सामना गर्दैछ। यी दुई टिमले डेनमार्कको कोपनहेगनस्थित पार्केन रंगशालामा खेल्नेछन्। खेल राति पौने १० बजेटबाट सुरु हुँदैछ।

त्यस्तै, शनिबारको तेस्रो खेलमा बेल्जियमले रसियाको सामना गर्दैछ। यो खेलमा रसियाले सेन्ट पिटरबर्गको घरेलु मैदानमा बेल्जियमलाई आतिथ्यता प्रदान गर्नेछ। खेल राति पौने १ बजेबाट सुरु हुनेछ।