टोक्यो आलम्पिकमा जिपीएसबाट खेलाडीको नियमन गरिने

काठमाडौं- जापानको टोक्योमा आयोजना भएको समर ओलम्पिकमा जीपीएस प्रयोग गरिने भएको छ। टोक्यो २०२० को आयोजनकले खेलाडीको नियमन गर्नका लागि जीपीएस प्रविधिको प्रयोग गर्ने बताएको हो।

जीपीएस प्रणाली खेलाडीको वास्तविक समयको गति बुझ्नका लागि नभएर कोभिड १९ को केसबारे अध्ययन गर्नका लागि प्रयोग गरिने आयोजकले बताएको छ।

यस्तो नियमन प्रणालीमा मिडियाका अन्तर्राष्ट्रिय सदस्यहरू पनि जोडिनु पर्ने आयोजकले बताएको छ। तर, अहिलेसम्म यो निर्णय भएको छैन कि खेलाडी बस्ने ठाउँमा अल्कोहलको प्रयोग हुन्छ वा हुँदैन्।

जापानको राजधानी टोक्योमा कोभिड १९ को महामारीका कारण अहिले पनि आपतकालिन अवस्था घोषणा गरिएको छ। तर, अब प्रतियोगिता सुरु हुन मात्र ६ हप्ता बाँकि छ।

आउँदो समर ओलम्पिक जुलाई २३ बाट अगस्ट ८ सम्म सञ्चालन हुँदैछ। त्यस्तै पारालम्पिक भने २४ अगस्टबाट ५ सेम्टेम्बरसम्म हुनेछ।

आयोजक समितिका अध्यक्ष तोसिरो मुतोले डेल्टा भाइरस भइरकेको देशका खेलाडीले सहभागिता जनाउन नपाउने बताएका छन्। उनले यसलाई ठूलो पश्चतापसाथ बताउनु परेको जनाएका छन्।