यस्तो छ जोर्डनविरुद्ध नेपालको प्लेइङ ११

काठमाडौं- प्रशिक्षक अब्दुल्लाह अलुमताईरीले आज (सोमबार) जोर्डनसँगको खेलका लागि नेपाली टिमको प्लेइङ सेट सार्वजनिक गरेका छन्।

उनले ४–३–३ को फर्मेसनमा नेपाली टिम उतार्ने भएका छन्। आजको खेल कुवेतको जाबेद अल–अहमद रंगशालमा पौने १० बजे सुरु हुँदैछ।

आजको खेलमा फरवार्ड सुमन लामा, अभिषेक रिजाल र अन्जन विष्टले सुरुवाती अवसर पाएका छन् भने मिडफिल्डमा सुमन आर्याल, पुजन उपरकोटी र सन्तोष तामाङ रहने छन्।

त्यस्तै नेपालको डिफेन्स लाइन रोहित चन्दसहित अनन्त तामाङ, विकास खवास र दिनेश राजवंशीले सम्हाल्ने छन्। नेपालले फिफा विश्वकप २०२२ छनोटअन्तर्गत जोर्डनसँगको पहिलो लेगको खेलमा ३–० गोलको हार बेहोरेको थियो।

जोर्डनविरुद्ध त्यसघिको एक खेलमा नेपालले ९–० गोलको हार बेहोरेको थियो भने अर्को खेलमा १–१ गोलको बराबरी खेलेको थियो।

विश्वकप छनोटको समूह बीमा रहेको नेपालको ६ अंक छ भने जार्डनको १० अंक छ। नेपालले जोर्डनभन्दा एक खेल धेरै खेलेको छ।