स्वास्थ्यकर्मीमाथि आक्रमण गरे ३ वर्ष कैद र ३ लाख जरिवाना

काठमाडौं- स्वास्थ्यकर्मीमाथि आक्रमण गरे तीन वर्षसम्म कैद र तीन लाख जरिवाना वा दुवै हुने भएको छ। 

राष्ट्रपति विद्यादेवी भण्डारीले आइतबार जारी गरेको स्वास्थ्यकर्मी तथा स्वास्थ्य संस्थाको सुरक्षासम्बन्धी अध्यादेशमा सो व्यवस्था उल्लेख छ। 

भण्डारीले नेपालको संविधानको धारा ११४ को उपधारा १ बमोजिम स्वास्थ्यकर्मी तथा स्वास्थ्य संस्थाको सुरक्षासम्बन्धी (पहिलो संशोधन) अध्यादेश २०७८ जारी गरेकी हुन्।

उपचारमा खटिएका स्वास्थ्यकर्मीमाथि आक्रमण भएका घटना सार्वजनिक भएपछि कारबाहीका लागि सरकारले कानून बनाएको हो। 

अध्यादेशमा स्वास्थ्यसंस्थामा आगजनी गरेमा दुई लाखदेखि पाँच लाख जरिवाना वा पाँच वर्ष कैद वा दुवै हुनसक्ने व्यवस्था गरिएको छ। 

त्यस्तै स्वास्थ्य संस्थामा तालाबन्दी वा घेराउ गर्ने, बिरामीको उपचार गर्ने कार्यमा बाधा पुर्‍याउने, स्वास्थ्यकर्मीलाई धम्की दिने वा गाली गर्ने गरेमा एक वर्ष कैद वा एक लाख जरिवाना वा दुवै हुन सक्ने व्यवस्था गरिएको छ।

यस्ताे छ जारी अध्यादेश