बराबरीमा रोकिए पोर्चुगल र स्पेन

युरो कप २०२१ को तयारीमा रहेका युरोपेली टिम पोर्चुगल र स्पेनको शुक्रबार राति सम्पन्न खेल बराबरीमा रोकिएको छ।

नेपाल समय | शनिबार, जेठ २२, २०७८

नेपाल समय

शनिबार, जेठ २२, २०७८

काठमाडाैं- युरो कप २०२१ को तयारीमा रहेका युरोपेली टिम पोर्चुगल र स्पेनको शुक्रबार राति सम्पन्न खेल बराबरीमा रोकिएको छ। स्पेनमा भएको खेलमा दुवै टिमले गोल गर्न नसकेपछि खेल गोलरहित बराबरीमा रोकिएको हो।

यद्यपि खेल अवधिभर ६३ प्रतिशत समय बलमा नियन्त्रण बनाएको स्पेनले १० प्रहार गरेको थियो। तर, दुई पटक मात्र पोस्टतर्फ प्रहार गर्न सफल रह्यो।

यता पोर्चुगलका पनि सबै सात प्रहार खेर गएको थियो। अब युरोपका विभिन्न ११ सहरमा आउँदो जुन ११ बाट युरो कप सुरु हुँदैछ। युरो कपमा सहभागी २४ टिमलाई बराबरी ६ समूहमा विभाजन गरिएको छ।

युरो कपको उद्घाटन इटालीबाट हुनेछ। त्यही प्रतियोगिताको तयारीका लागि गएराति पोर्चुगल र स्पेनले मैत्रीपूर्ण खेलेका थिए।

प्रकाशित: Jun 05, 2021| 01:33 शनिबार, जेठ २२, २०७८