बेलायती प्रधानमन्त्री बोरिस जोनसनले २३ वर्ष कान्छी प्रेमिकासँग बिहे गरे

बेलायतका प्रधानमन्त्री बोरिस जोनसनले आफूभन्दा २३ वर्ष कान्छी प्रेमिकासँग बिहे गरेका छन्। ५६ वर्षीय प्रधानमन्त्री जोनसनले ३३ वर्षीय प्रेमिका कैरी साइमन्ड्ससँग शनिबार बिहे गरेको बेलायती पत्रिका डेली मेलले जनाएको छ।

नेपाल समय | आइतबार, जेठ १६, २०७८

नेपाल समय

आइतबार, जेठ १६, २०७८

बेलायती प्रधानमन्त्री बोरिस जोनसनले २३ वर्ष कान्छी प्रेमिकासँग बिहे गरे

काठमाडौं– बेलायतका प्रधानमन्त्री बोरिस जोनसनले आफूभन्दा २३ वर्ष कान्छी प्रेमिकासँग बिहे गरेका छन्। ५६ वर्षीय प्रधानमन्त्री जोनसनले ३३ वर्षीय प्रेमिका कैरी साइमन्ड्ससँग शनिबार बिहे गरेको बेलायती पत्रिका डेली मेलले जनाएको छ।

उनीहरुले घरपरिवार तथा आफन्तको उपस्थितिमा क्याथोलिक वेस्ट मिनिस्टर चर्चमा बिहे गरेका हुन्। प्रधानमन्त्री जोनसनको बिहेमा आफन्त र परिवारका ३० जना उपस्थित रहेको पत्रिकाले जनाएको छ। कोरोना भाइरसको महामारी तथा रोकथामका लागि भन्दै बेलायत सरकारले ३० जनाभन्दा बढी भेला हुन नपाइने नियम लागु गरेको छ।

बोरिस जोनसन र कैरीको प्रेम सम्बन्ध सन् २०१९ मा बाहिर आएको थियो। कैरी सन् २०२० मा गर्भवती भएको खबर बाहिरिएको थियो। अहिले जोनसोन र कैरीका एक छोरा छन्।

प्रकाशित: May 30, 2021| 06:40 आइतबार, जेठ १६, २०७८