राम्रो नतिजा नआए खेलाडीलाई गाली नगरिदिनु, मलाई गर्नू : अल्मुताइरी

काठमाडौं - नेपाली राष्ट्रिय टिमका प्रशिक्षक अब्दुल्लाह अल्मुताइरीले सामाजिक सञ्जालमा गरिएको आलोचना र समर्थनको जवाफ दिँदै सबैलाई धैर्यता कामय राख्न आग्रह गरेका छन्।

उनले सामाजिक सञ्जालकको प्रतिकृयाबारे भने, ‘म तपाइहरूलाई धैर्य गर्नका लागि अनुरोध गर्दछु।’

अल्मुताईले अब नेपाली टिमलाई डिफेन्सिभ नखेलाउने र अक्रामक खेल खेलाउने बताउँदै खाएका छन्। विश्वकप क्वालिफायरमा आफू भन्दा बलियो ठानिएका जोर्डन र अष्ट्रेलियाविरुद्ध पनि आक्रमक रुपमा आफ्नो टिमलाई प्रस्तुत गरिने उनले बताए।

'हामीले नयाँ रणनीतिका साथ फुटबल खेल्दैछौं। नयाँ शैली र त्यसको कार्यान्वयन सुरुमा केही गाह्रो नै हुन्छ,’ उनले सामाजिक सञ्जाल फेसबुकमा लेखेका छन्।

अल्मुताइरीले कुनै पनि समर्थकले खेलाडीलाई  दबाब पर्ने काम नगर्न अनुरोध गरेका छन्। उनले आफू राम्रो फुटबल खेलाउन नेपाल आएको बताएका छन्।

‘यदी नजिता राम्रो पक्षमा आएन भने खेलाडीलाई दोष नदिनु। मलाई दोष दिनु,’ उनले लेखेका छन्।