ईपीएल : हारका बाबजुद चेल्सी अन्तिम चारमा, लिभरपुल तेस्रो स्थानमा

काठमाडौं  – आइतबार रातिको खेलमा हारका बाबाजुद चेल्सी इंग्लिस प्रिमियर लिगको चोथो स्थानमा रहन सफल भएको छ।

तेस्रो स्थानको चेल्सीले आइतबार राति एस्टन भिल्लाको मैदानमा घेरेलु टिमसँग २–१ गोलको हार बेहोरे पनि चौथो स्थानमा रहँदै च्याम्पियन्स लिगमा प्रवेश गर्न सफल भएको हो।

चेल्सीका बेन चिलबेलले अन्तिम सायमा एक गोल पर्काए पनि चेल्सीले जित निकाल्न सकेन। यता एक खेल अघि ईपीएलको चौथो स्थानमा रहेको लेस्टर सिटीले शनिबार रातिको खेलमा टोटेनहमसँग ४–२ गोलको हार बेहोरिसकेको थियो।

त्यसले पाँचौ स्थानमा रहेको लिभरपुलको च्याम्पियन्स लिग पुग्ने आशा जिवित बनाएको थियो। त्यसैको फाइदा उठाउँदै लिभरपुलले गएरातिको खेलमा क्रिस्टल प्यालेसविरुद्ध २–० गोलको जित निकाल्दै तेस्रो स्थान सुरक्षित गरेको छ। 

लिभरपुलको लागि दुवै गोल साडियो मानेले गरे।

धेरै उचारचढापूर्ण रहेको २०२०–२१ को ईपीएलको उपाधि भने च्यानचेस्टर सिटीले जितिसकेको छ। सम्पूर्ण खेलपछि सिटीले ८६ अंक बनाएको छ भने दोस्रो स्थानमा चित्त बुझाएको म्यानचेस्टर युनाइटेडको ७४ अंक छ।

गएरातिको खेलपछि तेस्रो स्थान सुरक्षित गरेको लिभरपुलको ६९ अंक हुँदा चेल्सीको ६७ अंक छ।

यो सिजनमा टोटेनहमका ह्यारी केन लिगका सर्वाधिक गोलकर्ता बनेका छन्। उनले २४ गोल गरे। दुई गोल कम गरेका लिभरपुलका मोहम्मद सलाह दोस्रो स्थानमा छन् भने १८ गोल गरेका ब्रुनो फर्नान्डेस तेस्रो स्थानमा छन्।