संक्रमणबाट मृत्यु हुने चिकित्सकका परिवारलाई एक करोड दिने केजरीवालकाे घाेषणा

काठमाडौं - भारत दिल्लीका मुख्यमन्त्री अरबिन्द केजरीवालले कोरोना भाइरसबाट ज्यान गुमाउने चिकित्सकका परिवारलाई एक करोड रूपैयाँ सहयोग गर्ने घोषणा गरेका छन्।

कोरोना भाइरसको नियन्त्रण तथा रोकथामका लागि  जोखिम मोलेर अग्रपंक्तिमा काम गरिरहेका चिकित्सकलाई जोखिम भएको भन्दै दिल्ली सरकारले सहयोग गर्ने घोषणा गरेको हो।

‘कोरोना कहरमा दिनरात नभनी काम गरिरहेका स्वास्थ्यकर्मी हिरो हुन्, उनीहरूको परिवारको हेरविचार गर्नु हाम्रो दायित्व हो,’ उनले भनेका छन्। 

कोरोना काल में दिन-रात मेहनत कर रहे स्वास्थ्य कर्मी ही हमारे हीरो हैं, डॉ.अनस मुजाहिद GTB अस्पताल में डॉक्टर थे। कोरोना मरीज़ों का इलाज करते हुए मात्र 26 वर्ष की उम्र में शहीद हो गए

उनके परिवार का ख़्याल रखना हमारा फ़र्ज़ है, आज उनके परिवार से मिलकर ₹1 करोड़ की सहायता राशि दी। pic.twitter.com/DWOflD0bMb

— Arvind Kejriwal (@ArvindKejriwal) May 22, 2021

केही दिनअघि जीटीबी अस्पतालमा कार्यरत २६ वर्षीय  चिकित्सक अनस मुजाहिदको कोरोना संक्रमणबाट मृत्यु भएको थियो।

दिल्ली सरकारले उनको परिवारलाई एक करोड सहयोग गरिसकेको बताएको छ।

कोरोना भाइरसको रफ्तार कम नभएको भन्दै दिल्ली सरकारले ३१ मे एक साताका लागि लकडाउन लम्ब्याएको छ।

मुख्यमन्त्रीले युद्ध अझै बाँकी रहेको भन्दै महामारीबाट बाँच्न बचाउनका लागि लकडाउन थप्नुपर्ने बताएका छन्।

दिल्लीका स्थानीयले महामारीबाट बच्नका लागि अनुशासनको पालना गरेको भन्दै यसलाई निरन्तरता दिनुुपर्ने बताएका छन्। - बीबीसी