सात वर्षपछि एट्लेटिकोले जित्यो ला लिगाको उपाधि

काठमाडौं – रियल मड्रिड र बार्सिलोनालाई पछि पार्दै एट्लेटिको मड्रिडले २१औं शताब्दिमा दोस्रो पटक ला लिगाको उपाधि जितेको छ।

पछिल्लो सिजनमा क्याटलान क्लब बर्सिलोनाबाट धपाइएका लुइस सुआरेजेले उल्लेखनिय प्रदर्शन गरेको सिजनमा एट्लेटिकोले शीर्षस्थानमा रियल मड्रिडलाई दुई अंकले पछि पार्दै उपाधि जितेको हो।

यससँगै एट्लेटिकोले पछिल्लो २५ वर्षमा शीर्ष डिभिजन फुटबलको दुई उपाधि जितेको छ। शनिबार राति सम्पन्न ला लिगाको अन्तिम खेलमा एक गोलले पछि परेको अवस्थामा पुनरागमन जित निकाल्दै एट्लेटिकोले उपाधि जित्यो।

उपाधिका लागि एट्लेटिकोलाई रियल भालाडोलिडविरुद्ध आजको जित निकै आवश्यक थियो। यदी हार वा बराबरी भएको अवस्थामा उपाधि गुम्नसक्ने खतरा धेरै थियो।

खेलको १८औं मिनेटमा रियल भालाडोलिडका प्लोनोले गोल गर्दै एट्लेटिकोलाई उपाधिविपरितको धारमा पुर्याइसकेका थिए। तर दोस्रो हाफको ५७औं र ६७औं मिनेटमा नाटकिय रुपले खेल परिवर्तन भयो।

कारास्कोले दिएको पासलाई सदुपयोग गर्दै ५७ औं मिनेटमा एन्जेल कोरियाले खेललाई बराबरी बनाएका थिए।

त्यसपछि आक्रामक बनेको एट्लेटिकोका लुइस सुआरेजले ६७औं मिनेटमा गोल गरेपछि भालाडोलिडले २–१ गोलको हार बेहोरेको थियो। यो जितसँगै एट्लेटिकोले ला लिगाको ११ पटक उपाधि जितिसकेको छ।

रियलले ३४ पटक उपाधि जितिसकेको छ। बार्सिलोनाले पनि २६ उपाधि जितिसकेको छ। एट्लेटिकोल चाहिँ रियलको एकतिहाइ भन्दा कम पटक जितेको छ।

एथ्लेटिको बाल्बियो, भ्यालेन्सिया, रियल सोसिडाड, डिपोर्टिभो, सेभिया र रियल बेटिसले क्रमशः ८, ६, २, १, १ र १ पटक जितेका छन्।

२१औं शताब्दीमा रियल र भ्यालेन्सियाले एक–एक पटक उपाधि जितेका छन्। बाँकी सबै उपाधि रियल र बार्सिलोनाले आफ्ना पोल्टामा पारेका छन्।

स्पेनको राजधानी मड्रिडमा १९०३ अप्रिलमा स्थापना भएको एट्लेटिकोले १८३९–४० को सिजनमा पहिलोपटक उपाधि जितेको थियो। त्यसपछि उसले ३३ उपाधि जितिसकेको छ। त्यसमा उसले १९४०–४१, १९४९–५०, १९५०–५१, १९६५–६६, १९६९–७०, १९७२–७३, १९९५–९६ मा पनि उपाधि जितेको थियो। उसले अन्तिम पटक २०१४ मा उपाधि जितेको थियो।

शनिबार राति एट्लेटिकोले उपाधि जितेपछि रंगशालाबाहिर समर्थकको ठूलो भीड देखा परेको थियो।

यो सिजनमा एट्लेटिकोले ३८ खेलमध्ये २६ खेलमा जित निकाल्यो भने ८ बराबरी खेल्दै ८६ अंक बनाएको थियो। त्यस्तै, ६७ गोल गर्यो भने २५ गोलको सामना गर्यो।

एट्लेटिकोलाई उपाधि दिलाउन लुआरेजले २१ गोल गरे भने मार्कोस एललोरेन्तेले १२ र एन्जल कोरियाले ९ गोल गरेका छन्।

जारी सिजनका शीर्ष चारमा रहँदै एट्लेटिको, रियल मड्रिड, बार्सिलोना र सेभियाले च्याम्पियन्स लिगमा स्थान सुरक्षित गरेका छन्। त्यस्तै, रियल सोसिडाड र रियल बेटिस युरोपा लिगमा जानेछन्।

तालिकाको पुछारमा रहेका आइबर, भालाडोलिड र ह्वेस्का भने रेलिगेट भएका छन्।