गेड मुलरलाई उछिन्दै लेवान्डोस्कीले बनाए सर्वाधिक गोलकर्ताको रेकर्ड

काठमाडौं – शनिबार राति सम्पन्न जर्मन शीर्ष डिभिजनमा फुटबल बुन्डेसलिगामा पोल्यान्डका फरवार्ड रोबर्ट लेवान्डोस्कीले सर्वाधिक गोलकर्ताको रेकर्ड बनाएका छन्। लिगको अन्तिम खेलको अन्तिम मिनेटमा गोल गर्दै लेवान्डोस्कीले लिगमा सर्बाधिक गोलकर्ताको रेकर्ड कायम गरे।

उनले बुन्डेलिगा २०२०–२१ को अन्तिम चरणको खेलको ९०औं मिनेटमा आउसबर्गविरुद्ध एक गोल गर्दै एकै सिजनमा ४१ गोल गर्ने खेलाडीको रेकर्ड बनाएका हुन्। यसअघि लिगमा सर्वाधिक गोलकर्ताको रेकर्ड गर्ड मुलरको नाममा थियो।

मुलरले झन्डै ५० वर्षअघि बनाएको रेकर्डलाई लेवान्डोस्कीले यो सिजनमा ब्रेक गरेका हुन्। मुलरले १९७०–७१ सिजनमा ४० गोल गरेर रेकर्ड बनाएका थिए।

त्यसको नजिक रहेका लेवान्डोस्कीले गतहप्ता फ्रिबर्गविरुद्ध गोल गर्दै मुलरको रेकर्डसँग बराबरी गरेका थिए। शनिबार रातिको खेलमा लेरोय सानेले दिएको बललाई नेट चुमाउँदै उनले रेकर्ड आफ्नो नाममा बनाए।

लेवान्डोस्कीको महत्पूर्ण योगदानमा गएको सिजनमा बायर्नले ट्रिबल जितेको थियो। उनले सो सिजनमा बायर्नलाई जर्मन कप, बुन्डेसलिगा र च्याम्पियन्स लिग जिताएका थिए।

त्यसबाहेक बार्यनले सुपर कप र क्लब विश्वकप पनि जितेको थियो। तर, पोहोरको सिजनमा बेलोन डोर पुरस्कार रद्द भएका कारण उनी सो पुरस्कार पाउनबाट चुकेको थिए। किनभने उनी बेलोल डोर पाउन सक्ने योग्य खेलाडी थिए।

तर पनि उनी फिफा बेस्ट प्लेयरर बनेका थिए। उनले यो सिजनमा पनि समग्रमा ४६ गोल र आठ एसिस्ट गरेका छन्। ३८ खेल खेलेका लेवान्डोस्कीले ३६ खेलमा पहिलो रोजाइमा खेलेका थिए।

शनिबारको खेलमा बायर्नले आउसबर्गलाई ५–२ गोलले हराएको थियो। उनी यो सिजनमा युरोपका प्रतिष्ठित पाँच लिगका पनि सर्वाधिक गोलकर्ता हुन्।