एनएसएलका सर्वाधिक गोलकर्ता बने क्यामरुनी खेलाडी मेसुके 

काठमाडौं- शनिबार काठमाडौंले नेपाल सुपर लिगको उपाधि जित्दा क्यामरुनका खेलाडी मेसुके ओलामेउ ९ गोल गर्दै सर्वाधिक गोलकर्ता बने। 

उनले लिगको उद्घाटन खेलमा पनि गोल गरे। फाइनल खेलमा पनि गोल गरे। यसबीच विराटनगर सिटी फुटबल क्लबलाई हराउँदा ह्याट्रिक गरे। 

आज सम्पन्न सुपर लिगमा ह्याट्रिक गर्ने एकमात्र खेलाडी बने मेसुके। उनले लिगको पहिलो खेलमा ललितपुरलाई १–० गोलले हराउँदा निर्णायक गोल गरेका थिए। 

उनले दोस्रो र तेस्रो खेलमा गोल गर्न सकेनन्। ती खेलमा काडमाडौंका कुनै खेलाडीले गोल गरेनन्। तर लिगको पाँचौ खेलमा उनले विराटनगरविरुद्ध ह्याट्रिक गरे। त्यस्तै, लिग चरणको अन्तिम खेलमा चितवनविरुद्ध एक गोल गरे। 

यसरी उनले लिग चरणमै पाँच गोल गरे। त्यस्तै प्ले अफमा दुई गोल गरे। प्ले अफमा उनल ललितपुरविरुद्ध दुई गोल गरे भने फाइनलमा एक गोल गरे। 

लिग काठमाडौंलाई जिग जिताउन सबैन्दा महत्वपूर्ण भूमिका खेलेका मेसुकेले उपाधि जितेपछि खुसी लागेको बताएका छन्। 

उनले भने, ‘म धेरै खुसी छु। नेपाल बसाई राम्रो भयो। मलाई आजको खेलमा डिफेन्सिभ गोल प्राप्त भएको थियो। त्यसले बल होल्ड गरेँ भने मिस हुन्छ भनेर पहिलो सटमै प्रहार गरेँ। गोल भयो। धेरै टाढाबाट आएर पनि लिग जित्न सकेँ। लिगमा सर्वाधिक गोलकर्ता बने धेरै खुसी छु।’

लिगका अन्य गोलकर्ता 

ओलादिपो ओलावाले अफिज (धनगढी) – ४ 

पोड्रो मान्जी (विराटनगर) – ४ 

अन्जत विष्ट (ललितपुर) – ३ 

स्टेफेन विनोङ (काठमाडौं) – ३ 

नवयुग श्रेष्ठ (पोखरा) – २ 

एडिलेजा सोमिडे (विराटनगर) – २ 

सन्तोष तामाङ (विराटनगर) – २ 

लक्ष्मण रुचाल (बुटबल) – २