रोनाल्डोसँग खेल्ने नेयमारको इच्छा

काठमाडौं– ब्राजिलियन फुटबल स्टार नेयमारले  जुनियरको एक अनौठो बानी छ। उनी आफ्नो धारणा परिवर्तन गरिरहन्छन्। उनले पछिल्लो समय पनि एक अन्तर्वार्ताका क्रममा यस्तौ एक धारणा सार्वजनिक गरे।

पेरिस सेन्ट जर्मेन (पीएसजी) मा उत्कृष्ट समय बिताइरहेका स्टार लियोनेल मेस्सीजस्ता खेलाडीसँग खेलिसकेका छन् नेयमारले। अब उनले पोर्चुगिज स्टार क्रिस्टियानो रोनाल्डोसँग खेल्न चाहेको बताएका छन्। इटालियन क्लब युभेन्टसमा खेलिरहेका रोनाल्डोको क्लबको भविष्य अनिश्चित छ।

यदि क्लब अर्को सिजनको च्याम्पियन्स लिगमा क्वालिफाइ हुन नसकेमा रोनाल्डो क्लब छोड्ने पक्षमा हुनेछन्। त्यसैले नेयमार उनीसँग खेल्ने चाहना रहेको बताउँछन्। ‘म क्रिस्टियानोसँग खेल्न चाहन्छु,’ नेयमारले भने, ‘मैले विश्वका राम्रा र ठूला खेलाडी मेस्सी, लुइस सुआरेज, एम्बाप्पेसँग खेलिसकेको छु तर रोनाल्डोसँग खेल्न पाएको छैन।’ 

तर उनको त्यो एकमात्र लक्ष्य भने होइन। आउँदो विश्वकपमा ब्राजिललाई विश्वकप जिताउने पनि उनको लक्ष्य छ। ‘म विश्वकप जित्न चाहन्छु,’ नेयमारले भने, ‘यो मेरो अहिलेसम्मको सबैभन्दा ठूलो सपना हो। तर म पीएसजीबाट पनि सबैथोक जित्न चाहन्छु।’