टोक्यो ओलम्पिक हुनेमा विश्वस्त छैनिन् जापानी खेलाडी ओसाका

काठमाडौं - जापानी टेनिस स्टार नाओमी ओसाकाले कोभिड-१९ को संक्रमण देशको ठूलो ध्यानाकषर्णकाे विषय भएको बताएकी छन्। यसका कारण उनले आउन लागेको ओलम्पिक सम्भव नहुने बताएकी हुन्।

उनले आउँदो जुलाई २३ बाट जापानमा टोक्यो ओलम्पिक २०२० हुनेमा शंका व्यक्त गरेकी छन्। प्रतियोगिता सुरु हुनु १० हप्ताअघि अहिले टोक्यो इमर्जेन्सी उपचार गराइरहेको अवस्थामा छ।

यस्तो अवस्थामा जापानकी विश्व नम्बर दुई ओसाकाले आउँदाे प्रतियोगिताको ओलम्पिक डेब्यू गर्दै छिन्। ‘म एक खेलाडी हुँ, त्यस हिसाबले म आउँदो ओलम्पिकमा खेल्नका लागि उत्साहित छु,’ उनले भनिन्, ‘तर एक मानव भएको हिसाबले हामी महामारीमा छौं भन्ने भुल्नु हुँदैन। मानिसहरू स्वस्थ छैनन् र सुरक्षित महसुस गरिरहेका छैनन् भने यो ध्यानाकर्षणको कुरा हो।’

प्रतियोगिता हुन्छ कि हुँदैन भन्ने प्रश्नमा उनले ओलम्पिक हुने कुरामा शंका रहेको बताएकी छन्। उनले आफूले कहिल्यै पनि ओलम्पिकमा सहभागी नभएको बताउँदै प्रतियोगिताकाे तुलना गर्न नसक्ने बताइन्।

२३ वर्षे ओशाकाले चारपटक ग्राण्डस्लम भने जितिसकेकी छन्। यता अर्की खेलाडी सेरेना विलियम्सले भने आउँदो ओलम्पिकमा सहभागी नहुने बताएकी छन्। विलियम्सले एक सिंगल्स र तीन डबल्स टेनिस जितेकी छन्।

ओलम्पिक भए पनि विना अन्तर्राष्ट्रिय समर्थक गर्ने भनिएको छ। त्यस्तै, जापानमा अन्य खेलमा जुनबाट समर्थकलाई रंगशालामा प्रवेश दिइने भएको छ।