बायर्नले लगातार नवौंपटक जित्यो बुन्डेस लिगाको उपाधि

काठमाडौं - जर्मनको शीर्ष डिभिजन फुटबल बुन्डेस लिगाको उपाधि लगातार नवौं पटक बार्यन म्युनिखले जितेको छ।

शनिबार रातिको खेलमा दोस्रो स्थानको आरबी लाइप्जिकले पाँचौं स्थानको बोरुसिया डर्टमन्डसँग हार बेहोरेपछि अंक तालिकामा ६ अंकको अग्रता बनाएको बायर्नले लिग जितेको थियो।

सो खेलमा डर्टमन्डको जितका लागि मार्को सिउसले एक गोल गरेका थिए भने जाडन सान्चेले दुई गोल गरेका थिए। लाइप्जिकका लुकारले क्लोस्टेर्मन र ड्यानी ओल्मोले समान १–१ फर्काएका थिए।

यो खेलमा लाइप्जिक ३–२ गोलले पछि पर्दै उसले अंकतालिका ६४ अंक बनाएको थियो। यता डर्टमन्डले भने जितसँगै एक स्थान सुधार गरेर चौथो स्थानमा पुगेको थियो।

त्यस्तै, तीन खेल अगावै उपाधि जितेको बायर्नले पनि गएरातिको खेलमा सानदार जित निकालेको छ। उसले घेरेलु मैदानमा मोन्छेनग्लाडबाखविरुद्ध ६–० गोलअन्तरको जित निकलोको हो।

बायर्नको जितमा रोवर्ट लेवान्डोस्किले ह्याट्रिक गरे। त्यस्तै, थोमस मुलर, किंग्सले कोम्यान, र लेरोय सानेले समान १–१ गोल गरे। यो जितसँगै बायर्नले शीर्षस्थानमा १० अंकको अग्रता बनाएको छ।

ग्लाडबाख सातौं स्थानमा छ। त्यस्तै, जारी सिजनमा दुई खेल बाँकि रहँदै लेवान्डोस्कीले बुन्डेस लिगामा ३९ गोल गरिसकेका छन्।