रोमालाई हराउँदै युनाइटेड युरोपा लिगको फाइनलमा

काठमाडौं - युरोपा लिगअन्तर्गतकाे खेलमा रोमालाई हराउँदै म्यानचेस्टर युनाइटेड फाइनलमा पुगेको छ।

रोमाको घरेलु मैदानमा बिहीबार भएको खेलमा राेमाले ३–२ गोलको जित निकाले पनि समग्रमा गोलअन्तरका आधारमा अघि रहँदै युनाइटेड फाइनलमा पुगेको हो।

सेमिफाइनलअन्तर्गत पहिलो लेगको खेलमा युनाइटेडले रोमालाई ६–२ गोलअन्तरले हराएको थियो। त्यसैले गएरातिको खेलमा पराजित भए पनि समग्रमा ८-५ गोलले अघि रहँदै युनाइटेड फाइनलमा पुगेको हो।

बिहीबार रातिको खेलमा युनाइटेडका लागि एडिसन काभानीले दुई गोल गरे यता रोमाको तर्फबाट एडिन जोको, ब्रयन क्रिस्ट्यानले गोल गरे। त्यस्तै, युनाइटेडका एलेक्स टेलेसले आत्मघाती गोल गर्दै रोमालाई गोल उपहार दिए।

त्यस्तै, अघिल्लो हप्ता सम्पन्न पहिलो लेगको खेलमा ब्रुनो फार्नान्डेस र काभानीले समान २-२ गोल गरेका थिए भने पाउल पोग्बा र मेसन ग्रिनवुडले समान १-१ गोल गरेका थिए। त्यस्तै लोरेन्जो पलेग्री र जोकोले पनि गोल गरेका थिए।