बुलेट चढ्नु हुन्छ, ट्राफिकले समाउला नि !

काठमाडौं– बुलेट बाइक चढ्नुहुन्छ भने सावधान रहनु होला । उपत्यकामा तीव्र गतिमा दौडाइने यस्ता बाइकमाथि ट्राफिक प्रहरीले निगरानी बढाएको छ । 

यस्ता बाइकको साइलेन्सरबाट निस्किने ठूलो आवाज ध्वनि प्रदुषणको कारक पनि बन्दै आएको छ । 

युवा पुस्तामा यस्ता बाइक चढ्ने फेसन नै बनेको छ । साइलन्सर ‘मोडिफाई’ गरिएको हुन्छ । सोही कारण ठूलो आवाज निस्किने गरेको हो । 

गत साउनयता ६ हजार आठ सय दुई वटा बुलेट बाइक ट्राफिक कारवाहीमा परेका छन् । तीव्र गतिका कारण यस्ता बाइकले उपत्यकामा दुर्घटना बढाएको महानगरीय ट्राफिक प्रहरी महाशाखाले जनाएको छ ।