युवा वर्ल्ड बक्सिङ च्याम्पियनसिपमा नेपालको प्रतिनिधित्व सुमीनाले गर्ने

काठमाडौं- सुमीना खड्का आइवा युथ वर्ल्ड बक्सिङ च्याम्पियनसिपका लागि ६० केजी तौल समूहमा नेपालबाट प्रतिस्पर्धा गर्ने भएकी छन्।

बुधबार सम्पन्न छनोट खेलमा प्रथम स्थान हासिल गर्दै सुमीना छनोट भएकी हुन्।

आरडीएस क्लबकी सुमीनाले बक्समाडौंकी डेचेन शेर्पालाई निर्धारित तीन राउण्डको खेलमा अंकका आधारमा ४–१ ले हराउँदै छनोटमा परिन्।

नेपाल बक्सिङ संघले आयोजना गरेको छनोट प्रतियोगिताको ४८ केजी तौल समूहमा नक्सालकी सुष्मा तामाङ मंगलबार नै झापाकी सुस्मिता राईलाई अंकका आधारमा ३–२ को स्कोरमा हराउँदै छनोट भएकी थिइन्।

आइवा युथ वर्ल्ड बक्सिङ च्याम्पियनसिप पोल्याण्डमा अप्रिल ११ देखि २३ सम्म संचालन हुनेछ।

नेपाल बक्सिङ संघले आफ्नो प्राविधिक सहयोगमा नेपाली महिलातर्फका ४८ र ६० केजी तौल समूहका खेलाडीको सहभागी गराउने निर्णय गरेको थियो। सोही निणर्यअनुरुप खेलाडी छनोट भएको संघले जनाएको छ।