लमेलाको गोल जोगाउन नसक्दा टोटेनहमको हार

हेबिवेट टिम टोटेनहम हट्सपरले आइतबार रातिको खेलमा आर्सनलसँग हार बेहोरेको छ।

नेपाल समय | सोमबार, चैत २, २०७७

नेपाल समय

सोमबार, चैत २, २०७७

काठमाडौं– हेबिवेट टिम टोटेनहम हट्सपरले आइतबार रातिको खेलमा आर्सनलसँग हार बेहोरेको छ। आर्सनलको मैदानमा सम्पन्न खेलमा टोटेनहमले घरेलु टिमसँगे २–१ गोलको हार बेहोरेको छ।

खेलको पहिलो हाफको ३३ औं मिनेटमै गोल गरेर एरिक लमेलाले पाहुना टिमका लागि सुरुआति अग्रता बनाएका थिए। तर पहिलो हाफको अन्तिम मिनेटमा गोल गर्दै ओडेगार्ड टोटेनहमको अग्रता तोडेपछि दोस्रो हाफ बराबरीको अवस्थामा पुगेको थियो।

त्यस्तै, खेलको ६४ औं मिनेटमा अलेक्जेन्डर लकाजेटले पेनाल्टीमार्फत गोल गरेपछि आर्सनलले अग्रता बनाएको थियो।

७६ औं मिनेटमा रातो कार्ड खाँदै लमेला बाहिरिएपछि टोटेनहम थप दबाबमा आयो। त्यसपछि दुवै टोलीबाट गोल सम्भव नहुँदा आर्सनलले जित निकाल्यो।

यो जितसँगै ४१ अंक बनाएको आर्सनल तालिकाको १० औं स्थानमा छ। पराजित टोटेनहम ४५ अंकका साथ सातौं स्थानमा छ।

प्रकाशित: Mar 15, 2021| 02:17 सोमबार, चैत २, २०७७