पाकिस्तान फ्रेन्डसिप क्रिकेटको उपाधि ग्रेट हिमालयलाई

काठमाडौं- नेपाल-पाकिस्तान फ्रेन्डसिप टी-२० क्रिकेट प्रतियोगिताको उपाधि ग्रेट हिमालय क्रिकेट एकेडेमीले हात पारेको छ।

धुम्बाराहीस्थित पाकिस्तानी दूतावासको मैदानमा शनिबार भएको फाइनलमा एन्जल्स हार्ट एकेडमीलाई १०७ रनले हराएर ग्रेट हिमालय क्रिकेटले छैटौं संस्करणको उपाधि हात पारेको हो।

टस हारेर ब्याटिङ गरेको ग्रेट हिमालयले निर्धारित २० ओभरमा १० विकेट गुमाउदै २२० रनको विशाल लक्ष्य प्रस्तुत गर्यो।
उसको लागि हेमन्त श्रीवास्तवले १०६ रनको शतकीय इनिङ्स खेले। यस्तै अशोक पौडेलले ३६ रन बनाए।

एन्जल्सको लागि श्याम त्रिपाठीले ४ तथा विपिन न्यौपानेले ३ विकेट लिए।

ग्रेट हिमालयले दिएको २२१ रनको विशाल लक्ष्यसहित जवाफी ब्याटिङ गरेको एन्जल्स १७ ओभर ५ बलमा अलआउट हुँदै ११३ रनमा समेटियो।

उसको लागि दिनेश पुनले सर्बाधिक २१ रन बनाए। यस्तै विवेक न्यौपानेले १७ रन मात्रै बनाए। ग्रेट हिमालयको लागि सुशान्त तिमिल्सिना र अशोक पौडेलले समान ३ विकेट लिए।