मेयर कपको उत्कृष्ट बलर एरियो, बेस्ट ब्याट्स्मेन विनोद

काठमाडौं- आज (शनिबार) सम्पन्न मेयस कपको उत्कृष्ट बलरको अवार्ड बागमती प्रदेशका एरियो पौडेलले जितका छन्।
उनले प्रतियोगिताभर १३ विकेट लिएका थिए।

बागमती प्रदेशका १९ वर्षे पौडेलले पहिलो खेलमा पुलिसविरुद्ध मात्र चार रन खर्चिएर चार विकेट गिराएका थिए।

प्रतियाेगिताको दोस्रो खेलमा काठमाडौं मेयरको दुई विकेट लिए। तेस्रो खेलमा दुई विकेट लिँदै २७ रन लिएका पौडेलले लिग चरणको अन्तिम खेलमा पुलिसको पाँच विकेट गिराएका थिए।

यससँगै उनी आज सम्पन्न प्रतियोगिताको बेस्ट बलर बने। उनले बागमती प्रदेशबाट सम्पन्न प्रधानमन्त्री कपमा पनि खेलेका थिए।

लिग चरणबाटै बाहिरिएको आर्मी क्लबका कप्तान विनोद भण्डारी प्रतियोगिताको बेस्ट ब्याट्स्मेन बनेका छन्। उनले सम्पन्न प्रतियोगिताको पहिलो खेलमा ४२, दोस्रो खेलमा अविजित २० र तेस्रो खेलमा तीन रन जोडेका थिए।

तर अन्तिम खेलमा बिस्फोटक ब्याटिङ गरेका उनले ११४ बलमा ११९ रन हिर्काए। यससँगै उनले प्रतियोगिताभर सर्वाधिक १८४ बटुले।
उत्कृष्ट बलर पौडेल र ब्याट्स्मेन भण्डारीले समान २५-२५ नगर पुरस्कार पाए।