बुढासुब्बा गोल्डकपको २३ औं संस्करण नहुने

विराटनगर- बुढासुब्बा गोल्डकपको २३ औं संस्करण यसपटक नहुने भएको छ।

धरान फुटबल क्लबले शुक्रबार पत्रकार सम्मेलन गर्दै २३ औं संस्करण आयोजना गर्न नसकिने जानकारी दिएको छ। २०५५ सालदेखि शुरु भएको बुढासुब्बा गोल्डकप पहिलो पटक रोकिएको हो।

क्लबका अध्यक्ष किशोर राईले प्रतियोगिताको कुल बजेटमध्ये ७५ प्रतिशत दाताहरुबाटै संकलन हुने गरेको र बाँकी २५ प्रतिशत प्रायोजक, सहप्रायोजकबाट पाउदै आएको बताए। 

कोरोना महामारीको असर गोल्डकपलाई पनि पुगेको बताए।

आयोजकले २२ औं संस्करणको विजेता र उपविजेताको पुरस्कार राशी पनि सबै दिन नसकेको जनाएको छ। 

प्रदेश १ सरकारबाट आउने भनिएको १० लाख र राष्ट्रिय खेलकुद परिषदबाट आउने ५ लाख बजेट पहिलो र दोस्रो हुने टिमलाई उपलब्ध गराउने भनिएको थियो।

तर, ती दुवै निकायबाट बजेट अहिलेसम्म प्राप्त नभएकोले विजेता मनाङ मर्स्याङ्दीलाई २ लाख ५० हजार मात्र दिइएको अध्यक्ष राईले बताए।