काठमाडौं - त्रिवि मैदानमा जारी मेयर्स कपअन्तर्गत आजको खेलमा नेपाल पुलिस क्लबले काठमाडौं मेयर्स–११ लाई १९८ रनको लक्ष्य प्रस्तुत गरेको छ।
टस हारेर ब्याटिङको निम्तो पाएको पुलिस क्लबले ४७ दशमलव चार ओभर खेल्दै पूरा विकेट गुमाएर १९७ रन बनाएको छ।
सुनिल धमलाले २२, कुशल भुर्तेलले ३४, दीपेन्द्रसिंह ऐरीले २४ र पवन सर्राफले २८ रन जोडे।
बलिङतर्फ विपिन खत्री, अरिशंकर शाह र सन्दीप लामिछानेले समान ३–३ विकेट लिए। यता अनिल खरेलले एक विकेट गिराए।