च्याम्पियन्स लिगमा हाल्यान्डले बनाए रेकर्ड

काठमाडौं - मंगलबार राति बोरुसिया डर्टमन्डका नर्वेजियन फरवार्ड इर्लिङ ब्रउट हाल्यान्डका लागि दुई कुरा महत्त्वपूर्ण रह्यो।

उनले आफ्नो टिमलाई जित दिलाउँदै युरोपियन च्याम्पियन्स लिगको अन्तिम आठमा पुर्‍याए भने अर्कोतर्फ च्याम्पियन्स लिगमा २० गोल पुर्‍याए।

२० वर्षे फरवार्डले गएराति स्पेनिस क्लब सेभियाविरुद्ध ३५ औं मिनेटमा १९ आफ्नो करिअरको १९ औं गोल गरे। 

मार्को रियसको पासमा गरेको त्यो गोल साधारण थियो भने २० औं गोल निकै नाटकीय थियो। जुन उनले पेनाल्टीको अवसरमा गरेका थिए।

उनले पहिला प्रहार गरेको पेनाल्टी रिटेक हुने अवस्थामा पुगेकाले उनले साविकझै बायाँ कुनामा प्रहार गर्दै च्याम्पिन्स लिगका नयाँ रेकर्ड बनाए।

अहिले उनी सबैभन्दा सानो उमेरमा च्याम्पियन्स लिगमा २० गोल गर्ने खेलाडी बनेका छन्। 

उनले १४ खेलमा २० गोल पुर्‍याएका हुन्। त्यस्तै उनी गत वर्ष च्याम्पियन्स लिगको एकै सिजनमा १० गोल गर्ने पहिलो किशोर खेलाडी बनेका थिए।

उनको दोहोरो गोलसँगै २–० गोलले अघि रहेको डर्टमन्डमाथि सेभियाले दुई गोल फर्काएपछि पहिलो लेगको गोलसमेत गरी ५–४ गोलले अघि रहँदै डर्टमन्ड अन्तिम आठमा पुगेको हो।