पाकिस्तानमा नेपाली खेलाडीको धमाका, सरुको १० र अनिताको ६ गोल

काठमाडौं– पाकिस्तान महिला च्याम्पियनसिप खेल्न नेपालबाट त्यहाँ पुगेकी नेपाली खेलाडी सरु लिम्बूले ह्याट्किसहित १० गोल गरेपछि मासा युनाइटेडले सिलकोट महिला फुटबल क्लबलाई १९–० गोलले हराएको छ।

पाकिस्तानमा हिजोबाट सुरु भएको प्रतियोगितामा मासा युनाइटेडले आज पहिलो खेल खेलेको थियो। पहिलो खेलमै सानदार जित निकाल्दै तीन अंक जोडेको हो।

प्रतियोगितामा नेपाली फरवार्ड अनिका केसीले ह्याट्रिसहित ६ गोल गरिन्। सरुले पहिलो हाफको १२ औं, १८ औं, २५ औं, ४० औं ४२ औं र इन्ज्युरी समयमा गोल गरेकी थिइन्। त्यस्तै, उनले दोस्रो हाफको ५४ औं, ६७ औं, ८५ औं र ८८ औं मिनेटमा गो गरेर १० गोल पूरा गरिन्।

त्यस्तै, फरवार्ड केसीले पहिलो हाफको २९ औं मिनेटमा गोल गरिन्। तर दोस्रो हाफको ४९ औं, ५३ औं, ५८ औं, ७२ औं र ७३ औं मिनेटमा गोल गरेकी थिइन्। खेलमा माया युनाइटेडका जारा इक्वाल, गीता राना र समरोज समिर्नाले समान एक गोल गरे।

नेपालमा फागुन सात गते सम्पन्न महिला लिगमा सरु सर्वोत्कष्ट खेलाडी घोषित भएकी थिइन्।