इंग्ल्यान्डलाई हराउँदै इन्डिया विश्व टेस्ट च्याम्पियनसिपको फाइनलमा

काठमाडौं – घरेलु भूमिमा पाहुना टिम इंग्ल्यान्डलाई ३–१ ले हराउँदै इन्डिया विश्व टेस्ट च्याम्पियनसिपको फाइनलमा पुगेको छ।

च्याम्पियनसिपअन्तर्गतको इन्डियामा शनिबार सम्पन्न चौथो खेलमा इन्डियाले इंग्ल्यान्डलाई एक पारी र २५ रनले हराउँदै इन्डिया फाइनलमा पुगेको हो।

अहमदाबादको नरेन्द्र मोदी रंगशालामा चौथो टेस्ट तेस्रो दिनमै सम्पन्न भएको थियो। जहाँ उसले सानदार जित निकालेपछि अब उसले लर्डस्मा हुने फाइनल खेलमा न्युजिल्यान्डको सामना गर्नुपर्ने छ।

चौथो टेस्टमा टस जितेको इंग्ल्यान्डले सुरुआती ब्याटिङ गर्दै २०५ रन बनाएको थियो। जवाफमा इन्डियाका ऋषभ पन्त र वासिंटन सुन्दरको १०१ र ९६ रनको सहयोगमा ३६५ रन बनाएपछि १६० रनले इन्डिया अघि थियो।

तर, दोस्रो पारीमा इंग्ल्यान्ड १३५ रनमै अलआउट भएपछि इंन्डियाले खेल आफ्नो पक्षमा पारेको हो।

दोस्रो पारीमा अक्षर पटेल र रविचन्द्र अश्विनले समान ५–५ विकेट गिराएका थिए।

उनीहरूले मिलेर शनिबार सम्पन्न सिरिजमा ५९ विकेट लिएका थिए। अश्विनले सबैभन्दा धेरै ३२ विकेट लिँदा लक्षरले तीन टेस्ट खेलेका थिए। उनले तीन टेस्टमा २७ विकेट लिन सफल भए।

साथै अश्विनले १०६ रनको पारी खेल्दै १८९ रन जोडे। यसकारण अश्विन प्लेयर अफ दी म्याच बने।