नापी कार्यालयका निमित्त प्रमुखविरुद्ध भ्रष्टाचार मुद्दा

काठमाडौं– सप्तरीको कञ्चनरुप नगरपालिका–४ स्थित नापी कार्यालय, कञ्चनपुरमा कार्यरत निमित्त कार्यालय प्रमुख, सर्वेक्षक हरिचन्दर ठाकुरविरुद्ध भ्रष्टाचार मुद्दा दायर गरिएको छ। 

जग्गाको कित्ता काट गरिदिने भनी लेखापढी व्यवसायी अरुणकुमार यादवमार्फत सेवाग्राहीसँग अतिरिक्त रकम माग मागेको आरोपमा उनीविरुद्ध विशेष अदालतमा मुद्दा दायर गरिएको अख्तियार दुरुपयोग अनुसन्धान आयोगले जनाएको छ। 

आयोगको कार्यालय इटहरीबाट खटिएको टोलीले ठाकुर र यादवलाई सेवाग्राहीबाट १५ हजार रुपैयाँ अतिरिक्त रकम लिइसकेको अवस्थामा नियन्त्रणमा लिएको थियो।

अनुसन्धानका क्रममा ठाकुरले सो रकम सेवाग्राहीको जग्गा कित्ताकाट प्रयोजनका लेखनदास यादवमार्फत लिएको पुष्टि भएको आरोपपत्रमा उल्लेख छ।

ठाकुरविरुद्ध बिगो १५ हजार रुपैयाँ कायम गरी भ्रष्टाचार मुद्दा दाय गरिएको अख्तियारका प्रवक्ता नारायणप्रसाद रिसालले बताए।