काठमाडौं- इंग्लिस प्रिमियर लिग (ईपीएल) अन्तर्गत बिहीबार राति सम्पन्न खेलमा साविक विजेता लिभरपुलले जित निकालेको छ।
टोटेनहम हट्स्पुर रंगशालामा घरेलु टिम टोटेनहमलाई ३–१ गोलले हराउँदै लिभरपुलले जित निकालेको हो।
लिभरपुलको जितका लागि रोबर्टो फर्मिनो, ट्रेन्ट अलेक्जेन्डर अर्नोल्ड र साडियो मानेल गोल गरे।
पहिलो हाफको निर्धरित समयसम्म गोलरहित बराबरी भएपछि इन्ज्युरी समयमा गोल गर्दै रोबर्टो फर्मिनोले गोल गर्दै सुरुवाति अग्रता दिलाए।
यससँगै पहिलो हाफमा लिभरपुल एक गोलले अघि रह्यो।
दोस्रो हाफको ४७ औं मिनेटमा गोल गर्दै अलेक्जेन्डरले लिभरपुललाई दुई गोलको अग्रतामा पुर्याए। यता घरेलु टिम टोटनहमका पियरे इमिली हल्ब्याले ४९ औं मिनेटमा गोल गर्दै खेलमा फर्कन चाहे पनि सकेनन्।
बरु, लिभरपुलकै मानेले ६६ औं मिनेटमा गोल गर्दै पाहुना टिमलाई ३–१ गोलको सहज अवस्थामा पुर्याए।