सिक्किमको नाकुलास्थित भारत–चीन सीमामा झडप

काठमाडौं- भारतीय सेनाले सिक्किमको नाकुलामा चिनियाँ सैनिकसँग झडप भएको पुष्टि गरेको छ।

एक वक्तव्य जारी गर्दै भारतीय सेनाले उत्तरी सिक्किमको नाकुलामा चिनियाँ सैनिकसँग झडप भएको पुष्टि गरेको हो।

विज्ञप्तिमा भनिएको छ, ‘उत्तरी सिक्किमको नाकुला इलाकामा २० जनवरीमा भारतीय सैनिक र पिपुल्स लिबरेशन आर्मीको बीचमा सामान्य झडप भएको छ र यो मामिला स्थानीय कमान्डरले आफ्नो नियमअनुसार सुल्झाएका छन्।’

सैनिकले सामान्य झडप भएको र यसअघि यो तथ्यलाई तोडमोड गरिएको आरोप लगाएको छ।

झडपअघि समाचार एजेन्सी एएफपीले भारतीय मिडियामा छापिएको रिपोर्टलाई उद्धृत गर्दै झडपमा दुबै पक्षका सैनिक घाइते भएको जनाएको थियो।

यसअघि भारतीय सञ्चारमाध्यममा उक्त झडपमा २० चिनियाँ सैनिक घाइते भएको समाचार आएको थियो। साथै ४ जना भारतीय सैनिक पनि घाइते भएको उल्लेख गरिएको थियो।

चीन सरकार समर्थित न्यूज वेबसाइट ग्लोबल टाइम्सले भारतीय मिडियामा आएको चिनियाँ सैनिक घाइते भन्ने समाचार झुटो भएको बताइसकेको छ।

ग्लोबल टाइम्स लेखेको छ, ‘भारत–चीन सीमा भएको झडपमा २० चिनियाँ सैनिक घाइते भन्ने समाचार झुटो हो।’ बीबीसी