नयाँ उपन्यास ‘उत्सर्ग’ बजारमा

सानु शर्माद्वारा लिखित उपन्यास ‘उत्सर्ग’ आइतबार बजारमा आएको छ।

नेपाल समय | सोमबार, माघ १२, २०७७

नेपाल समय

सोमबार, माघ १२, २०७७

काठमाडौं– सानु शर्माद्वारा लिखित उपन्यास ‘उत्सर्ग’ आइतबार बजारमा आएको छ।

उपन्यासमा वैदेशिक रोजगारीमा जानुपर्ने आमअभिभावकको बाध्यता र त्यसले सन्तालाई दिने सन्तापको विषयलाई मुख्य कथावस्तु बनाएको छ।

अभिभावकले एउटी बालिकालाई कहिले होस्टेलमा त कहिले आफन्तलाई जिम्मा लगाई प्रवासमा बस्नुपर्दाको उकुसमुकुस र त्यसले दिने मानसिक सन्तापलाइ सजीव तवरले उपन्यासमा प्रस्तुत गरिएको छ।

सरल र मर्मस्पर्शी भाषामा लेखिएको यो उपन्यासमा अभिभावक र बच्चा एक्लिँदाका अनुभूति छ। यस्तै मान्छेलाई मान्छे बनाउन पात्रा आर्याको सशक्त भूमिका छ। यसैगरी एकथोक पाउन सबथोक गुमाउनुपछिको पश्चात्ताप यो उपन्यासले बखान गरेको छ। लेखकको यसअघि ‘एकादेशमा’ कथा संग्रह प्रकाशित छ। पुस्तक सांग्रिला बुक्सले प्रकाशन गरेको हो।

प्रकाशित: Jan 25, 2021| 08:36 सोमबार, माघ १२, २०७७