नेप्सेमा उछाल, परिसूचक २६ अंकले बढ्दा ४ अर्ब ९ करोडको कारोबार 

काठमाडौं– मंगलबार सेयर बजार परिसूचक (नेप्से) दोहोरो अंकले बढेको छ। 

२५.९८ अंकले बढेको बजार १६७८.७९ विन्दुमा पुगेर रोकिएको हो। सेन्सेटिभ इन्डेक्स ५.०६ अंकले बढेर ३३०.३९ अंकमा पुगेको छ। 

आज १९६ कम्पनीको ९६ लाख ५७ हजार सेयर खरिदबिक्री हुँदा ४ अर्ब ९ करोड ६१ लाख रुपैयाँ बराबरको कारोबार भएको छ। 

मंगलबार जलविद्युत् र म्युचुअल फण्ड बाहेक सबै समूहका उपसूचक उकालो लागेको छ। जलविद्युत् ०.६८ र म्युचुअल फण्ड ०.०२ अंकले ओरालो लागेको छ। 

बैंकिङ समूहको उपसूचक ७.११, व्यापार १०९.४९, होटल ८७.४३, विकास बैंक ८.०७, फाइनान्स ३.८३ र निर्जिवन बिमा १६०.४ अंकले बढेको छ। 

त्यसैगरी उत्पादन ४०.९, अन्य ४८.५८, माइक्रोफाइनान्स ४.८९ र जीवन बिमा समूहको उपसूचक ४७६.३६ अंकले बढेको छ। 

आज साल्ट ट्रेडिङ कर्पोरेशनका लगानीकर्ताले सर्वाधिक कमाएका छन् भने विशाल बजार कम्पनीका लगानीकर्ता सबैभन्दा बढी गुमाएका छन्।