प्रदेश १ मा कोरोना संक्रमितको संख्या २० हजार नाघ्यो 

विराटनगर– प्रदेश १ मा कोरोना संक्रमितको संख्या २० हजार नाघेको छ। 

मंगलबार ३६३ जना कोरोना संक्रमित थपिएपछि संक्रमितको संख्या २० हजार १५४ पुगेको छ। संक्रमण मोरंग, सुनसरी र झापामा बढी देखिएको छ। 

तीन जिल्लाका मात्र १८ हजार ५१४ संक्रमित छन्। मोरङमा ९ हजार ५०७,  सुनसरीमा ६ हजार ६४९ र झापामा २ हजार ३५८ जना संक्रमित छन्। 

मंगलबार मोरंगमा १५६, सुनसरीमा १२०, झापामा ६०, उदयपुरमा ८, धनकुटा र इलाममा २–२, पाँचथर, भोजपुर र तेह्रथुममा १–१ र प्रदेश १ बाहिरका १२ जना रहेको सामाजिक विकास मन्त्रालयले जनाएको छ। 

मन्त्रालयका अनुसार विराटनगरमा १२० जनामा संक्रमण देखिएको छ। संक्रमण पुष्टि भएकामा ५८ महिला र ६२ पुरुष छन्। मोरंगको सुन्दरहरैचामा १०, पथरीशनिश्चरे र कटहरीमा ५–५, बेलबारीमा ३, धनपालथान, रतुवामाई, ग्रामथान, रंगेली र केराबारीमा २–२, बुढीगंगा, कानेपोखरी र लेटाङमा १–१ जनाको रिपोर्ट पोजेटिभ आएको छ। 

सुनसरीको धरानमा ८१, इटहरीमा २५, बराहक्षेत्रमा ५, इनरुवामा ४, रामधुनीमा ३, भोक्राहानरसिंह र दुवहीमा १–१, झापाको दमकमा ३१, विर्तामोडमा १०, गौरादह र भद्रपुरमा ५–५, गौरीगञ्जमा ४,   बुद्धशान्ति, मेचीनगर, अर्जुनधारा, शिवसताक्षी र कमलगाउँपालिकामा १–१ जनामा संक्रमण देखिएको सामाजिक विकास मन्त्रालयले जनाएको छ।

उता उदयपुरको कटारीमा ५, चौदण्डीगढी, त्रियुगा र स्थानीय तह नखुलेका १–१, धनकुटामा २, इलामको चुलाचुलीमा २, पाँचथरको मिक्लाजुङमा १, भोजपुरमा १, तेह्रथुमको म्याङलुङमा १ र प्रदेश १ बाहिरका १२ जनाको रिपोर्ट पोजेटिभ आएको मन्त्रालयले जनाएको छ। प्रदेश १ मा कोरोना संक्रमितको संख्या २० हजार १५४ पुगेको छ। 

प्रदेश १ मा आज १६० जना डिस्चार्ज भएका छन्। वि.जेनरल अस्पताल हरिनगरबाट ३९, प्रहरी प्रशिक्षण केन्द्र आइसोलेसन विराटनगरबाट ३५, रमानन्द आचार्य सेवापीठ बराहक्षेत्रबाट २६, इनरुवा आइसोलेसन सुनसरीबाट १९, विराट मेडिकल कलेज र गढी आइसोलेसन केन्द्रबाट १४–१४, जिल्ला अस्पताल संखुवासभाबाट ७, रुम्झाटार आइसोलेसन केन्द्रबाट ३, इलाम अस्पताल, जिल्ला अस्पताल खोटाङ र जीवन विकास आधारभुत विद्यालय आईसोलेसन केन्द्रबाट १–१ जना डिस्चार्ज भएका हुन्।

हालसम्म डिस्चार्ज हुनेको संख्या ११ हजार ७३६ पुगेको छ। 

प्रदेश १ मा आज १ हजार ८५ जनाको पीसीआर परीक्षण गरिएको छ। परीक्षण गरिएका मध्ये १५३ महिला र २१० पुरुषको रिपोर्ट पोजेटिभ आएको हो। प्रदेश १ मा हालसम्म १ लाख ६३ हजार ४९९ जनाको पीसीआर परीक्षण गरिएको सामाजिक विकास मन्त्रालयले जनाएको छ।